Seirbhís
Oifigeach Logainmneacha
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Tá iarratais á lorg ag an Roinn Turasóireachta, Cultúir, Ealaíon, Gaeltachta, Spóirt agus Meán ó iarratasóirí oiriúnacha chun folúntais a d'fhéadfadh teacht chun cinn don phost Oifigeach Logainmneacha bunaithe i mBaile Átha Cliath, a líonadh.
Is cuid den Roinn Turasóireachta, Cultúir, Ealaíon, Gaeltachta, Spóirt agus Meán é an Brainse Logainmneacha. Tugann an Brainse Logainmneacha faoi thaighde ar logainmneacha na hÉireann chun leaganacha údarásacha Gaeilge a chur ar fáil maidir leis na logainmneacha sin chun críocha oifigiúla agus d’úsáid an phobail. Cuireann sé tacaíocht ar fáil don Choiste Logainmneacha freisin. Is í an Ghaeilge teanga oibre an Bhrainse Logainmneacha.
• Tacaíocht a thabhairt d’fhoireann an Bhrainse Logainmneacha chun cinntí a dhéanamh maidir le foirmeacha údarásacha Gaeilge na logainmneacha.
• Taighde a dhéanamh ar cháipéisí lámhscríofa agus foilsithe chun seanleaganacha de logainmneacha a aimsiú agus an t-ábhar sin a chur isteach go beacht i mbunachar sonraí na hoifige.
• Faisnéis a bhailiú maidir le cúlra stairiúil, teanga nó geografach na logainmneacha ionas gur féidir cinneadh a dhéanamh faoi na leaganacha cearta Gaeilge.
• An fhaisnéis a bhailítear faoi logainmneacha a eagrú go córasach agus é seo a phlé le baill eile den fhoireann d’fhonn cinneadh a dhéanamh faoi na leaganacha Gaeilge.
• Cúlra staire, teangeolaíochta nó tíreolaíochta logainmneacha a bhailiú chun cuidiú le cinntí a dhéanamh maidir leis na leaganacha cearta Gaeilge.
• Obair allamuigh a thabhairt i gcrích nuair is gá.
• Ábhar a ionchur ar Logainm.ie agus ceartúchán a dhéanamh ina leith.
• Seirbhís ar ardchaighdeán a chur ar fáil do chustaiméirí trí fhreagraí tapa a thabhairt ar iarrataí ar eolas i ndáil le logainmneacha agus freagra a thabhairt ar chomhfhreagras ilchineálach.
• Oidhreacht logainmneacha na hÉireann chomh maith le beartas agus ról an stáit maidir le foirmeacha Gaeilge a chur chun cinn trí ailt atá bunaithe ar an taighde a fhoilsiú go rialta agus trí fhreastal ar chomhdhálacha de réir mar is cuí.
Ba cheart d’iarratasóirí foirm iarratais chomhlánaithe a chur isteach chuig
personnel@tcagsm.gov.ie faoin 3.00pm Dé Luain, 29 Lúnasa, 2022.
Déan an leabhrán faisnéise atá ceangailte leis seo a íoslódáil chun tuilleadh eolais a fháil maidir le hincháilitheacht agus riachtanais.
Leabhrán Faisnéise d'Iarrthóirí
Íosluchtaigh nasc le haghaidh
Íoslódáil
féachaint ar an gcomhad
Amharc
Dá mba maith leat iarratas a dhéanamh ar phost an Oifigigh Logainmneacha, íoslódáil an fhoirm iarratais atá faoi iamh.
Féach an ráiteas príobháideachais faoi iamh maidir le sonraí pearsanta a chuirtear ar fáil i ndáil leis an gcomórtas seo.