Seirbhís
An Díbhinn Teaghlaigh um Fhilleadh ar Obair
Foilsithe
An t-eolas is déanaí
Is íocaíocht sheachtainiúil í an Díbhinn Teaghlaigh um Fhilleadh ar Obair chun cabhrú le daoine a bhfuil páistí acu bogadh ó leas sóisialach go dtí obair.
Tugann sé tacaíocht airgeadais do dhaoine a bhfuil leanaí cáilithe acu atá i bhfostaíocht nó ag dul i mbun fostaíochta nó féinfhostaíochta nó a théann i mbun fostaíochta nó féinfhostaíochta agus a stopann ag déanamh éileamh Liúntas Cuardaitheora Poist nó Sochar Cuardaitheora Poist, Sochar Cuardaitheora Poist do Dhaoine Féinfhostaithe, Íocaíocht Teaghlaigh Aontuismitheora nó Íocaíocht Idirthréimhseach do Lucht Cuardaigh Fostaíochta.
Is leanbh cáilithe é leanbh suas le 18 mbliana d’aois a mbíonn gnáthchónaí orthu sa Stát agus a bhfuil cónaí orthu leatsa.
Is leanbh cáilithe fós é leanbh idir 18 agus 22, ar gnách go mbíonn cónaí orthu sa Stát, má tá siad in oideachas lánaimseartha i scoil nó i gcoláiste aitheanta i rith an lae.
D’fhéadfá a bheith incháilithe don scéim má tá tú ag fáil Íocaíocht Tacaíochta Leanaí do leanbh cáilithe amháin ar a laghad agus má tá ceann de na híocaíochtaí seo á fáil agat:
- Liúntas Cuardaitheora Poist, Sochar Cuardaitheora Poist nó Sochar Cuardaitheora Poist do Dhaoine Féinfhostaithe ar feadh 12 mhí ar a laghad (312 lá dífhostaíochta) a gcaithfidh 6 mhí ar a laghad díobh (156 lá dífhostaíochta) a bheith sa bhliain dheireanach
- Íocaíocht Teaghlaigh Aontuismitheora
- Íocaíocht Idirthréimhseach do Chuardaitheoirí Poist (íoctha le daoine nach bhfuil ag comhchónaí agus a bhfuil leanaí acu atá níos sine ná 7 bliana d’aois agus níos óige ná 14 bliana d’aois)
Chun cáiliú don Díbhinn Teaghlaigh um Fhilleadh ar Obair:
- ní mór duit éirí as na híocaíochtaí seo a fháil
- ní mór duit tosú ag obair laistigh de cheithre seachtaine tar éis duit éirí as d’íocaíocht nó scéim tosaigh a fháil
- ní mór go mbeadh do chuid oibre i Stát na hÉireann chomh maith
Má fhaigheann tú Íocaíocht Teaghlaigh Aontuismitheora agus má tá tú fostaithe nó féinfhostaithe, d’fhéadfá a bheith in ann an Díbhinn Teaghlaigh um Fhilleadh ar Obair a fháil nuair a stopann d’Íocaíocht Teaghlaigh Aontuismitheora agus nach gcáilíonn tú d’íocaíocht leasa shóisialaigh eile.
Má fhaigheann tú an Íocaíocht Teaghlaigh Oibre, d’fhéadfadh go mbeifeá in ann freisin an Díbhinn Teaghlaigh um Fhilleadh ar Obair a fháil. Ní bheidh tionchar ag an scéim ar d’Íocaíocht Teaghlaigh Oibre.
Má tá tú 66 bliain d’aois, beidh an rogha agat éileamh a dhéanamh ar do Phinsean Stáit (Ranníocach) ar dháta ar bith idir 66 agus 70 bliain d’aois.
Má shocraíonn tú gan do Phinsean Stáit (Ranníocach) a tharraingt anuas ag 66 bliain d’aois agus má chomhlíonann tú coinníollacha na Díbhinne Teaghlaigh um Fhilleadh ar an Obair, d’fhéadfá an Díbhinn Teaghlaigh um Fhilleadh ar an Obair a fháil nó d’fhéadfá iarratas a dhéanamh uirthi suas go dtí 70 bliain d’aois.
Ní mór duit an coinníoll cáilíochta maidir leis a bheith ag teacht ó íocaíocht ábhartha chomh maith le coinníollacha cáilíochta eile a shásamh.
I ndiaidh duit 66 bliain a bhaint amach, ní mór duit foirm iarratais pháipéir a úsáid chun iarratas a dhéanamh ar an Díbhinn Teaghlaigh um Fhilleadh ar an Obair. Is féidir an fhoirm iarratais pháipéir sin a fháil ó d’Ionad Intreo áitiúil nó ón Oifig Brainse Leasa Shóisialaigh.
Íoctar an Díbhinn Teaghlaigh um Fhilleadh ar Obair gach seachtain ar feadh suas le dhá bhliain.
| Faoi bhun Aois 1 2 | Os Cionn Aois 12 | |
| Bliain 1 | €50.00 in aghaidh na seachtaine do gach leanbh suas go huasmhéid de €200.00 (ceathrar leanaí) | €62.00 in aghaidh na seachtaine do gach leanbh suas go huasmhéid de €248.00 (ceathrar leanaí) |
| Bliain 2 | €25.00 in aghaidh na seachtaine do gach leanbh suas go huasmhéid de €100.00 (ceathrar leanaí) | €31.00 in aghaidh na seachtaine do gach leanbh suas go huasmhéid de €124.00 (ceathrar leanaí) |
Chun iarratas a dhéanamh, líon isteach an fhoirm thíos agus seol ar ais í leis na doiciméid tacaíochta ábhartha chuig d’Ionad Intreo áitiúil nó d’Oifig Bhrainse Leasa Shóisialaigh áitiúil.
Foirm Iarratais le haghaidh Díbhinn Teaghlaigh um Fhilleadh ar Obair (BTWFD1 GA)
Eagrán: Feabhra 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Is féidir leat cinneadh a achomharc mura bhfuil tú sásta leis. Ba chóir duit achomharc a dhéanamh laistigh de 21 lá ón dáta ar a rinneadh an cinneadh agus is féidir leat éisteacht ó bhéal a éileamh.
Is ar líne an bealach is éasca agus is tapúla chun d’achomharc a dhéanamh ar www.MyWelfare.ie. Níl ach cuntas MyGovID fíoraithe ag teastáil uait. Is féidir leat cuntas MyGovID fíoraithe a fháil má tá Cárta Seirbhísí Poiblí, uimhir fóin póca fhíoraithe agus seoladh ríomhphoist agat.
Déanfaidh oifigeach achomhairc cinneadh maidir le do chás. Is é seo an cinneadh críochnaitheach. Is féidir cinneadh a dhéanamh ar roinnt cásanna gan feidhm a bhaint as éisteacht ó bhéal.
Má thagann faisnéis nua chun solais nó má thagann athrú ar do chúinsí, is féidir leat iarratas a dhéanamh ar Dhíbhinn Teaghlaigh um Fhilleadh ar Obair arís.
Déanann treoirlínte oibríochtúla cur síos ar na próisis agus ar na nósanna imeachta a leanann baill foirne na roinne agus iad i mbun a gcuid oibre.