Seirbhís
Liúntas Fiontraíochta Gearrthéarmaí
Foilsithe
An t-eolas is déanaí
Tacaíonn an Liúntas Fiontraíochta Gearrthréimhseach (LFGT) leat má chaill tú do phost agus más mian leat do ghnó féin a thosú.
Íoctar an Liúntas Fiontraíochta Gearrthréimhseach in ionad do Shochair Cuardaitheora Poist/do Shochair Cuardaitheora Poist Féinfhostaithe ar feadh 9 mí ar a mhéad. Críochnaíonn sé nuair a thagann deireadh le do theidlíocht ar Shochar Cuardaitheora Poist/Sochar Cuardaitheora Poist Féinfhostaithe (is é sin, ag 9 nó 6 mhí).
Chun cáiliú don Liúntas Fiontraíochta Gearrthréimhseach, ní mór duit a bheith ag fáil Sochar Cuardaitheora Poist / Sochar Cuardaitheora Poist Féinfhostaithe nó ní mór go mbeadh teidlíocht agat ar an sochar sin.
Ní mór don chliant moladh i scríbhinn a fháil ón gComhlacht Forbartha Áitiúil (CFÁ) agus ó Chomhairleoir Pearsanta Fostaíochta na roinne sula dtosaíonn sé/sí ar fhéinfhostaíocht.
Ní cháilíonn féinfhostaíocht shéasúrach, shealadach nó pháirtaimseartha do LFGT.
Ní mór duit dul i dteagmháil leis an roinn láithreach má thagann deireadh le d'fhéinfhostaíocht nó má théann tú i mbun fostaíochta.
Má tá tú dífhostaithe nuair a thagann deireadh le do theidlíocht ar LFGT, ní cháileoidh tú arís láithreach do Shochar Cuardaitheora Poist/Sochar Cuardaitheora Poist Féinfhostaithe. Mar sin féin, is féidir leat iarratas a dhéanamh ar Liúntas Cuardaitheora Poist ar íocaíocht de réir tástáil acmhainne é.
Ní dhéanann deontais fostaíochta ó Oifig Fiontair Áitiúil (OFÁ) ná cuideachta forbartha áitiúil difear do do theidlíocht ar an Liúntas Fiontraíochta Gearrthréimhseach.
Chomh maith le tacaíocht ioncaim (d'íocaíocht sheachtainiúil), is féidir leat tacaíocht airgeadais a fháil freisin leis na costais a bhaineann le do ghnó a bhunú. Cuirtear na tacaíochtaí seo ar fáil faoi scéim ar a dtugtar Deontas Tacaíochta Fiontair (DTF). (Tháinig an DTF in ionad na Scéime Cúnaimh Theicniúil agus Oiliúna.)
Ní féidir leat an DTF a fháil ach amháin má tá tú ceadaithe don Liúntas Fiontraíochta um Fhilleadh ar Obair nó an Liúntas Fiontraíochta Gearrthréimhseach. Ní mór don phlean gnó a chuireann tú isteach mar chuid de d'iarratas ar an scéim an réasúnaíocht agus an riachtanas maidir le tacaíocht airgeadais a leagan amach. Íoctar an DTF le daoine a fhaigheann LFGT ar bhonn pro rata - is féidir uasmhéid €1000 a íoc le daoine ar LFGT 9 mí agus uasmhéid €625 le daoine ar LFGT 6 mhí. Ní mór duit a bheith in ann ranníocaíocht chomhoiriúnaithe 20% ar a laghad a dhéanamh chun rochtain a fháil ar thacaíocht deontais. Ní mór duit fianaise dhoiciméadach a sholáthar ar na costais (luachana ó 2 sholáthraí ar a laghad nó, más soláthraí aonair é, na cúiseanna a roghnaíodh soláthraí aonair).
Cliceáil ar an gcáipéis thíos chun tábla de mhíreanna an Deontais Tacaíochta Fiontraíochta do LFGT a fheiceáil:
Short-Term Enterprise Allowance (STEA) Enterprise Support Grant Tables
Enterprise Support Grant tables for STEA. Jan 2021
Íosluchtaigh nasc le haghaidh
Íoslódáil
féachaint ar an gcomhad
Amharc
Tabhair faoi deara nach bhfuil ceart uathoibríoch agat ar aon cheann de na méideanna seo. Déanfaidh Comhairleoir Pearsanta Fostaíochta na roinne measúnú ar d'iarratas agus ar d'incháilitheacht.
Níl roinnt míreanna incháilithe do thacaíocht deontais faoin DTF. Áirítear leo sin:
- costais cíosa tógála/áitribh
- costas taistil
- árachas (seachas dliteanas poiblí)
- éadaí pearsanta agus éide (seachas éadaí cosanta)
- cláir forbartha gairmiúla eagraithe ag comhlachtaí gairmiúla agus rialála
- aon chineál feithicle a cheannach
- stoc trádála
- oiliúint nó oideachas seachas an méid atá sonraithe
- costais fóntais, ceangal nó soláthar agus rátaí údaráis áitiúil
Má cháilíonn tú, tagann an Liúntas Fiontraíochta Gearrthréimhseach in ionad do Shochair Cuardaitheora Poist/do Shochair Cuardaitheora Poist Féinfhostaithe. Íocfar an LFGT ag an ráta céanna le d'íocaíocht cháilitheach, lena n-áirítear aon mhéaduithe do chleithiúnaithe aosacha agus leanaí. Críochnaíonn sé nuair a thagann deireadh le do theidlíocht ar Shochar Cuardaitheora Poist/Sochar Cuardaitheora Poist Féinfhostaithe. Féadtar an LFGT a íoc go díreach isteach i do chuntas bainc nó cuntas cumann foirgníochta ar bhonn seachtainiúil. Ní féidir é a íoc isteach i gcuntas morgáiste.
Ní íoctar ÁSPC ná Muirear Sóisialach Uilíoch ar an LFGT. Tá an LFGT faoi réir cáin ioncaim, áfach, ar an mbealach céanna le Sochar Cuardaitheora Poist/Sochar Cuardaitheora Poist Féinfhostaithe. (Tabhair faoi deara go bhfuil sé seo difriúil ón Liúntas Fiontraíochta um Fhilleadh ar Obair nach bhfuil inchánach).
Is féidir leat aon sochair bhreise (nó sochair thánaisteacha) a bhí á bhfáil agat le d'íocaíocht cháilitheach a choinneáil ar an gcoinníoll go leanann tú de na coinníollacha a chomhlíonadh. Mar shampla, cárta leighis agus Liúntas Éadaí agus Coisbhirt don Scoilbhliain Nua.
Ní mór a mheas, áfach, go bhfuil tú incháilithe don Scéim Chóiríochta ar Cíos chun d'Fhorlíonadh Cíosa a choinneáil agus d'fhéadfadh méadú ar d'ioncam dul i bhfeidhm ar d'Fhorlíonadh Cíosa. Chun a fháil amach conas a d'fhéadfaí difear a dhéanamh do d'Fhorlíonadh Cíosa, déan teagmháil le hionadaí na roinne (ar a dtugtaí an tOifigeach Leasa Pobail roimhe seo) i d'Ionad Intreo áitiúil.
Chun iarratas a dhéanamh ar an Liúntas Fiontraíochta Gearrthréimhseach, comhlánaigh an fhoirm iarratais thíos:
Foirm iarratais ar Scéim na Oibrithe Forbartha Deonacha Liúntas Gearrthéarmach Fiontraíochta (STEA1 ga)
v0221
Íosluchtaigh nasc le haghaidh
Íoslódáil
féachaint ar an gcomhad
Amharc
Déanfaidh Comhairleoir Pearsanta Fostaíochta measúnú tosaigh gairid leis an éilitheoir chun oiriúnacht do scéim LFGT a mheas i gcomhréir lena bplean dul chun cinn. Nuair is gá, d'fhéadfadh an Comhairleoir Pearsanta Fostaíochta dul i gcomhairle leis an Oifigeach Fiontraíochta sa CFÁ.
Féachfaidh an tOifigeach Fiontraíochta ar do thogra gnó agus d'fhéadfadh go ndéanfadh siad gnéithe áirithe de a phlé leat.
Nuair a mholann an Comhairleoir Pearsanta Fostaíochta é, cuirtear na páipéir ar aghaidh chuig an Oifigeach Breithiúnachta le haghaidh cinnidh.
Má ghlactar leat ar an Liúntas Fiontraíochta Gearrthréimhseach, ní mór duit clárú mar dhuine féinfhostaithe leis na Coimisinéirí Ioncaim. Féadtar tuilleadh eolais a fháil ar fhéinfhostaíocht ó d'oifig chánach áitiúil.
De rogha air sin, d'fhéadfá a bheith incháilithe don Liúntas Fiontraíochta um Fhilleadh ar Obair (LFFO). Is scéim neamhreachtúil é LFFO atá deartha chun dreasacht airgid a sholáthar do dhaoine a bhfuil íocaíochtaí cáilitheacha leasa shóisialaigh áirithe á bhfáil acu chun gnó a fhorbairt agus ag an am céanna ligean dóibh cion laghdaitheach dá n-íocaíocht cháilitheach leasa shóisialaigh, móide sochair thánaisteacha i gcúinsí áirithe, a choinneáil thar dhá bhliain; 100% i mbliain 1 agus 75% i mbliain 2 i.e. 624 lá íoctha san iomlán. Is féidir leat tuilleadh eolais a fháil ar an Liúntas Fiontraíochta um Fhilleadh ar Obair ag LFFO .
Déantar cur síos sna treoirlínte oibríochta ar na próisis agus ar na nósanna imeachta a leanann baill foirne na roinne agus iad i mbun a gcuid oibre.