Seirbhís
Saoire Tuismitheora do Mhúinteoirí agus do Chúntóirí Riachtanas Speisialta
Foilsithe
An t-eolas is déanaí
Foilsithe
An t-eolas is déanaí
Is é is Saoire Tuismitheora ann tréimhse saoire reachtúla neamhíoctha atá ar fáil don tuismitheoir iomchuí chun é/í a chumasú cúram a thabhairt don leanbh nó cabhrú le cúram a thabhairt don leanbh. Ní mór Saoire Tuismitheora a thógáil laistigh de 24 mhí ó dháta breithe an linbh nó, i gcás uchtála, ó lá suímh an linbh.
Tá múinteoir, ar tuismitheoir iomchuí le leanbh a rugadh nó a uchtaíodh an 1 Samhain 2019 nó tar éis an dáta sin é/í, i dteideal Saoire Tuismitheora naoi seachtaine ar a mhéad le héifeacht ón 1 Lúnasa 2024, faoi réir critéir cháilitheacha.
Chun tuilleadh faisnéise a fháil, féach Ciorclán 0058/2024 dar teideal ‘An Scéim Saoire Tuismitheora do Mhúinteoirí Cláraithe atá fostaithe i mBunscoileanna agus Iar-bhunscoileanna Aitheanta’.
Tá cúntóir riachtanas speisialta, ar tuismitheoir iomchuí le leanbh a rugadh nó a uchtaíodh an 1 Samhain 2019 nó tar éis an dáta sin é/í, i dteideal Saoire Tuismitheora naoi seachtaine ar a mhéad le héifeacht ón 1 Lúnasa 2024, faoi réir critéir cháilitheacha.
Chun tuilleadh faisnéise a fháil, féach Ciorclán 0059/2024 dar teideal ‘An Scéim Saoire Tuismitheora do Chúntóirí Riachtanas Speisialta atá fostaithe i mBunscoileanna agus Iar-bhunscoileanna Aitheanta’.
Ní mór do mhúinteoir an Fhoirm Iarratais in Aguisín A den chiorclán iomchuí a chomhlánú agus í a chur chuig a f(h)ostóir (nó í a chur isteach trí chóras an Bhoird Oideachais agus Oiliúna lena mbaineann, nuair is infheidhme) sé seachtaine ar a laghad roimh an dáta tosaithe beartaithe.
Ní mór do chúntóir riachtanas speisialta an Fhoirm Iarratais in Aguisín A den chiorclán iomchuí a chomhlánú agus í a chur chuig a f(h)ostóir (nó í a chur isteach trí chóras an Bhoird Oideachais agus Oiliúna lena mbaineann, nuair is infheidhme) sé seachtaine ar a laghad roimh an dáta tosaithe beartaithe.