Is íocaíocht é an Sochar Atharthachta do dhaoine fostaithe agus féinfhostaithe atá:
- ar shaoire atharthachta ón obair
- clúdaithe ag árachas sóisialta (ÁSPC)
Is é an ráta íocaíochta maidir le Sochar Atharthachta ná €274 in aghaidh na seachtaine, ar feadh coicíse, tógtha as a chéile.
Tá sé ar fáil le haghaidh gach leanbh a rugadh nó a uchtaíodh tar éis an 1 Meán Fómhair 2016.
Ní féidir tús a chur le Sochar Atharthachta ach ar dháta breithe an linbh nó dá éis, nó ar dháta dlite measta an linbh.
Má tá íocaíochtaí leasa shóisialaigh áirithe á bhfáil agat cheana féin, d'fhéadfadh go bhfaighfeá Sochar Atharthachta ar leathráta. Íocfar tú ar feadh dhá sheachtain. Is féidir leat tús a chur le saoire atharthachta am ar bith laistigh de na 26 seachtaine tar éis na breithe nó an uchtaithe.
Bíonn Sochar Atharthachta ar fáil do lánúineacha comhghnéis.
Chun cáiliú le haghaidh Sochair Atharthachta, ní mór duit ranníocaíochtaí árachais shóisialta (ÁSPC) a íoc ag Aicme A, E, H agus S (féinfhostaithe).
Más ball tú d'Óglaigh na hÉireann agus má íocann tú ÁSPC ag Aicme H, tá tú árachaithe do Shochar Aithreachais ach níl sé iníoctha agus tú i mbun seirbhíse.
Is é €274 in aghaidh na seachtaine, ar feadh coicíse an ráta íocaíochta maidir le Sochar Atharthachta.
Íoctar Sochar Atharthachta díreach isteach i do chuntas reatha nó do chuntas taisce i do bhanc nó do chumann foirgníochta. Ní féidir é a íoc isteach i gcuntas morgáiste.
D'fhéadfadh go leanfadh d'fhostóir ar aghaidh ag tabhairt íocaíocht iomlán duit agus tú ar saoire atharthachta. Féadfaidh siad a éileamh go n-íocfar do Shochar Atharthachta leo, agus is féidir leat é seo a roghnú.
Má tá cleithiúnaithe agat, d'fhéadfá ráta níos airde de Shochar Atharthachta a fháil. Nuair a dhéanann tú iarratas, cuirtear ráta do Shochair Thuismitheora (gan méaduithe le haghaidh cleithiúnaithe a áireamh) i gcomparáid leis an ráta Sochair Bhreoiteachta (lena n-áirítear méaduithe le haghaidh cleithiúnaithe) a d’íocfaí leat dá mbeifeá as láthair ón obair mar gheall ar bhreoiteacht. Íoctar an ráta is airde den dá ráta leat.
Má íocann tú cáin, beidh ort cáin a íoc ar Shochar Atharthachta. Ní bheidh ort an Muirear Sóisialta Uilíoch (MSU) ná ÁSPC a íoc.
Ní mór duit an méid seo a leanas a chur isteach
- iarratas ar líne nó foirm iarratais an tSochair Atharthachta (PB1) agus
- deimhniú (PB2 nó PB3) a dheimhníonn dáta breithe measta do leanbh nó an dáta ar rugadh do leanbh.
Is é an bealach is tapa maidir le hiarratas a dhéanamh ar Shochar Atharthachta ná ar líne ag MyWelfare. Ní mór duit MyGovID fíoraithe a bheith agat chun úsáid a bhaint as mywelfare.ie.
Buntáiste mór amháin a bhaineann le hiarratas a dhéanamh ar líne é go mbronntar sochar go huathoibríoch má fhaightear iarratas ar líne atá cáilithe; ní thógann sé ach cúpla soicind chun an próiseas a chur i gcrích. Is féidir leat dul chun cinn maidir le d'éileamh a rianú freisin trí MyWelfare.ie a úsáid.
Chun iarratas a dhéanamh ar líne, beidh cuntas MyWelfare fíoraithe ag teastáil uait a éilíonn Cárta Seirbhísí Poiblí.
Mura féidir leat iarratas a dhéanamh ar líne, is féidir leat teagmháil a dhéanamh leis an Rannóg Sochair Atharthachta trí ríomhphost a sheoladh paternityben@welfare.ie nó trí ghlaoch a chur ag 0818 690 690.
Is féidir foirm iarratais a iarraidh freisin trí phost ag an seoladh atá liostaithe thíos.
Ní mór deimhniú (PB2 nó PB3) a bheith agat a dheimhníonn an dáta breithe measta do leanbh nó an dáta ar rugadh do leanbh.
Ní mór do d'fhostóir do shochar atharthachta a dheimhniú.
Ní mór duit:
- teastas a iarraidh ó dhochtúir do chéile nó do pháirtí a dhearbhaíonn dáta breithe measta do leanbh nó cathain a rugadh é/í má tá tú ag glacadh saoire tar éis na breithe
- an teastas seo a thabhairt do d’fhostóir, mar aon leis an bhfoirm iarratais thíos
- iarraidh ar d’fhostóir an fhoirm seo a chomhlánú agus í a thabhairt duit
- an fhoirm seo a chur san áireamh nuair a dhéanann tú iarratas ar Shochar Atharthachta.
- iarratas a chur isteach ar líne freisin nó an fhoirm iarratais PB1 a chomhlánú, sonraí thuas. (Ní féidir glacadh leis an PB2 léi féin)
Teasta Fostóra i dtaca le Sochar Atharthachta (PB2 ga)
Íosluchtaigh nasc le haghaidh
Íoslódáil
féachaint ar an gcomhad
Amharc
Ní mór do dhochtúir do chéile nó do pháirtí do shaoire atharthachta a dheimhniú.
Ní mór duit:
- iarr ar an dochtúir an fhoirm thíos a líonadh
- an fhoirm seo a chur san áireamh nuair a dhéanann tú iarratas ar Shochar Atharthachta
- iarratas a chur isteach ar líne freisin nó an fhoirm iarratais PB1 a chomhlánú, sonraí thuas. (Ní féidir glacadh leis an PB3 léi féin)
Teastas Leighis i dtaca le Sochar Atharthachta ( PB3_ga )
Íosluchtaigh nasc le haghaidh
Íoslódáil
féachaint ar an gcomhad
Amharc
Is féidir iarratais poist a sheoladh chuig Rannóg Sochair Atharthachta na Roinne.
An Rannóg Sochair Atharthachta
Seoladh:
An Roinn Coimirce Sóisialaí, Bóthar Mhic Artúir, Bun Cranncha, Co. Dún na nGall, F93 CH79
Suíomh gréasáin:
Ríomhphost:
Uimhir theileafóin:
Más fostaí tú, ba cheart duit iarratas a dhéanamh ar Shochar Atharthachta ceithre seachtaine ar a laghad sula bhfuil sé beartaithe agat dul ar saoire atharthachta.
Má tá tú féinfhostaithe, ba cheart duit iarratas a dhéanamh 12 sheachtain ar a laghad sula bhfuil sé beartaithe agat dul ar saoire uchtaíoch.
Tabhair faoi deara: Mura ndéantar iarratas ar Shochar Atharthachta laistigh de 26 seachtaine ó bhreith do linbh d’fhéadfadh go gcaillfí sochar.
Déantar cur síos sna treoirlínte oibríochtúla ar na próisis agus ar na nósanna imeachta a gcloíonn ball foirne sa roinn leo agus iad i mbun a gcuid oibre.