Seirbhís
Deontas na nÁiseanna Soghluaisteachta
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Tugann an Scéim Deontais na nÁiseanna Soghluaisteachta cúnamh deontais chun sraith bhunúsach oibreacha a chlúdach chun dul i ngleic le fadhbanna soghluaisteachta a bhaineann le haosú go príomha, ach ní go heisiach. Is iad na húdaráis áitiúla a riarann an scéim.
Is é an deontas uasta éifeachtach faoin Scéim Deontais Tithíochta na nÁiseanna Soghluaisteachta ná €8,000, agus féadfaidh sé seo 100% de chostas na n-oibreacha a chlúdach.
Duine a dteastaíonn obair oiriúnaithe bunúsach uathu chun aghaidh a thabhairt ar a riachtanais soghluaisteachta.
Déanfar iarratasóirí a mheas ar bhonn a n-ioncam teaghlaigh, is é sin, ollioncam bliantúil úinéara (agus a gcéile) cláraithe na maoine sa bhliain chánach roimhe sin.
Tá tuilleadh sonraí maidir leis seo ar fáil ar an bhfoirm iarratais aonair atá ar fáil thíos.
D’fhéadfadh go mbeadh an deontas uasta de €8,000 ar fáil d’iarratasóirí a bhfuil ollioncam teaghlaigh de suas le €37,500 in aghaidh na bliana acu.
Is féidir leat an deontas seo a úsáid chun rochtain i do theach a fheabhsú, amhail rudaí mar seo a chur leis:
- greimráillí
- rampa
- cithfholcadán inrochtana
- crocháin riain shuite (seachas aon chostas seirbhísithe, cothabhála agus oiliúna)
- cathaoir staighre
Is féidir leat an fhoirm a íoslódáil thíos, nó is féidir leat cóip den fhoirm a fháil ó Rannóg na nDeontas Tithíochta i d’Údarás Áitiúil nó ar a suíomh gréasáin.
Ba cheart foirmeacha iarratais atá comhlánaithe go hiomlán a sheoladh ar ais chuig d’ Oifig Údaráis Áitiúil
