Seirbhís
Deontas Oiriúnaithe Tithíochta do dhaoine faoi mhíchumas
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Soláthraíonn an scéim Deontas Oiriúnaithe Tí do Dhaoine faoi Mhíchumas cúnamh deontais d’iarratasóirí chun cabhrú le hoibreacha a dhéanamh atá riachtanach go réasúnach chun teach a dhéanamh níos oiriúnaí do riachtanais áit chónaithe duine faoi mhíchumas. Is iad na húdaráis áitiúla a riarann an scéim. .
Is é an deontas uasta éifeachtach faoin scéim ná €40,000, agus féadfaidh sé seo 100% de chostas na n-oibreacha a chlúdach, ag brath ar an gceann is lú.
Duine faoi mhíchumas a dteastaíonn oibreacha oiriúnaithe uaidh chun teach a dhéanamh níos oiriúnaí dá riachtanais chóiríochta nó úinéir tí thar ceann duine faoi mhíchumas ar ball den teaghlach iad.
Déanfar iarratasóirí a mheas ar bhonn a n-ioncam teaghlaigh, is é sin, ollioncam bliantúil úinéara (agus a gcéile) cláraithe na maoine sa bhliain chánach roimhe sin.
Tá tuilleadh sonraí maidir leis seo ar fáil ar an bhfoirm iarratais aonair atá ar fáil thíos.
D’fhéadfadh go mbeadh an deontas uasta éifeachtach de €40,000, a d’fhéadfadh suas le 100% de chostas na n-oibreacha a chlúdach, ar fáil d’iarratasóirí a bhfuil ollioncam teaghlaigh suas le €37,500 in aghaidh na bliana acu, ag laghdú go dtí 30% d’iarratasóirí a bhfuil ollioncam teaghlaigh idir €62,501 agus €75,000 in aghaidh na bliana acu.
Is féidir na cineálacha oibreacha atá ceadaithe faoin scéim a athrú agus d’fhéadfadh go n-áireofaí orthu:
- rampa nó bealaí eile chun rochtain a fháil ar do theach
- áiseanna seomra folctha amhail cithfholcadán inrochtana nó leithreas thíos staighre
- cathaoir staighre nó ardaitheoir tríd an urlár
- crocháin riain shuite (seachas aon chostas seirbhísithe, cothabhála agus oiliúna)
- spás do bhealach isteach do chathaoireacha rothaí
- síneadh (de ghnáth seomra leapa nó seomra folctha chun freastal ar dhuine faoi mhíchumas)
Is féidir leat an fhoirm a íoslódáil thíos, nó is féidir leat cóip den fhoirm a fháil ó Rannóg na nDeontas Tithíochta i d’Údarás Áitiúil nó ar a suíomh gréasáin.
Ba cheart foirmeacha iarratais atá comhlánaithe go hiomlán a sheoladh ar ais chuig d’Oifig Údaráis Áitiúil.
