Seirbhís
Le hÍocaíocht ar Riachtanais Bhreise
Foilsithe
An t-eolas is déanaí
Is íocaíocht í Íocaíocht ar Riachtanais Bhreise atá ar fáil duit má tá costais riachtanacha agat nach féidir leat a íoc as d'ioncam seachtainiúil nó as acmhainní pearsanta agus tí eile.
Féadfaidh tú an íocaíocht seo a fháil fiú mura bhfuil íocaíocht leasa shóisialaigh á fáil agat. Féadfaidh sí a bheith ar fáil duit freisin má tá tú ag obair agus má tá ioncam íseal agat beag beann ar an méid uaireanta an chloig a oibríonn tú.
Is féidir linn Íocaíochtaí ar Riachtanais Bhreise a sholáthar do na rudaí seo a leanas:
- costas méadaithe téimh agus leictreachais
- deisiúcháin riachtanacha ar mhaoin agus fearais agus troscán tí a athsholáthar
- cúnamh le taiscí i gcóiríocht phríobháideach ar cíos
- troscán, cóir leapa agus nithe eile má tá tú ag cur fút i dteach den chéad uair
- costais sochraide
- speansais taistil athfhillteacha amhail le haghaidh coinní ospidéil nó cuairt ar ghaolta san ospidéal nó i bpríosún
- nithe a bhaineann le leanaí amhail pramanna/bugaithe agus cliabháin, agus trealamh riachtanach sábháilteachta leanaí
- cúnamh le riachtanais láithreacha amhail bia, éadaí agus costais chóiríochta tar éis eachtra éigeandála amhail dóiteán tí
- riachtanais eisceachtúla bhreise eile de réir mar a tharlaíonn siad
Ní íocann an Íocaíocht ar Riachtanais Bhreise as costais neamh-bhunriachtanacha teaghlaigh ná as costais phearsanta, ná as costais a bhfuil roinn nó gníomhaireacht eile rialtais freagrach astu.
Íoctar Íocaíocht ar Riachtanais Bhreise faoi Liúntas Leasa Forlíontach atá á riar ag Seirbhís Leasa Pobail (SLP) na Roinne.
Is féidir le duine ar bith a bhfuil íocaíocht leasa shóisialaigh á fáil aige/aici nó atá ag obair agus a bhfuil ioncam íseal aige/aici cáiliú d'Íocaíocht ar Riachtanais Bhreise. Tá orainn d'ioncam teaghlaigh seachtainiúil, do choigilteas agus d'infheistíochtaí, do chostais tí agus an saghas cúnaimh a theastaíonn uait a chur san áireamh.
Le hÍocaíocht ar Riachtanais Bhreise a fháil, déanfaidh Oifigeach Leasa Pobail d'iarratas a athbhreithniú agus feicfidh sé/sí ar do chúinsí sula ndéanfaidh sé/sí cinneadh faoin íocaíocht is féidir leat a fháil.
Níl aon 'ráta íocaíochta' seasta ann don Íocaíocht ar Riachtanais Bhreise. Braithfidh méid na híocaíochta a gheobhaidh tú ar d’ioncam teaghlaigh seachtainiúil agus ar an saghas cúnaimh a theastaíonn uait.
| Daoine i do theaghlach | Méid |
| Singil | €444 |
| Lánúin, gan leanaí | €544 |
| 1 leanbh | €645 |
| 2 leanbh | €746 |
| 3 leanbh | €847 |
| 4 leanbh | €938 |
| 5 leanbh | €1,064 |
| 6 leanbh | €1,180 |
| 7 leanbh | €1,316 |
| 8 leanbh nó níos mó | €1,412 |
* Ní chuireann na treoirlínte ioncaim seo teorainn ar rogha na n-oifigeach nuair a bhíonn Íocaíochtaí ar Riachtanais Bhreise á n-eisiúint chun cabhrú le daoine aonair nó teaghlaigh i gcúinsí cruatan ar leith.
Is é an bealach is tapúla agus is éasca le hiarratas a dhéanamh ar líne ná ag MyWelfare.ie
Is féidir leat an fhoirm thíos a chomhlánú agus a sheoladh chuig do Sheirbhís Leasa Pobail áitiúil.
Is féidir foirm a iarraidh ó CWSForms@welfare.ie
Is féidir leat an fhoirm a fháil i d'oifig áitiúil agus í a chomhlánú ansin. Níl aon ghá le coinne a chur in áirithe.
Is féidir an t-iarratas a chur isteach tríd an bpost.
Foirm Iarratais le haghaidh Liúntais Leasa Forlíontaigh (SWA1)
Eagrán: Feabhra 2023
Íosluchtaigh nasc le haghaidh
Íoslódáil
féachaint ar an gcomhad
Amharc
Chun cabhrú le d'éileamh a phróiseáil, ba cheart go mbeadh an méid seo a leanas agat:
- Uimhreacha Pearsanta Seirbhíse Poiblí (UPSP) duit féin, do do chéile, do pháirtí sibhialta nó do chomhchónaitheoir agus do leanaí
- cruthúnas aitheantais, mar shampla: Cárta Seirbhísí Poiblí (má tá ceann agat), pas, ceadúnas tiomána, cead oibre, cead cónaithe Éireannach
- cáipéisí le d'ioncam, costais agus cás airgeadais a thaispeáint, ar nós duillíní pá agus ráitis bhainc
Additional Needs Payment
Uimhir theileafóin: